ກອງທຶນປົກປັກຮັກສາສິ່ງແວດລ້ອມ

Environment Protection Fund

info@laoepf.org.la
021 252 739

ຫນັງສືເຊີນເຂົ້າຮ່ວມການປະມູນສົມທຽບລາຄາເຄື່ອງໄອທີ ແລະ ອຸປະກອນພາກສະໜາມ

 

ຫນັງ­ສື​ເຊີນ​ເຂົ້າ​ຮ່ວມ​ການ​ປະ­ມູນ​ສົມ​ທຽບ​ລາ­ຄາ

ເຖີງ: ບໍລິສັດ/ຮ້ານ
ວັນ​ທີ: 06​ ມິຖຸນາ 2017

 

  1. ກອງ​ທຶນ​ປົກ​ປັກ​ຮັກ​ສາ​ສິ່ງ​ແວດ​ລ້ອມ (ກ​ປ​ສ) ໄດ້​ຮັບ​ທຶນຊ່ວຍ­ເຫລືອ​ຈາ​ກ ​ທະ​ນະ​ຄານ​ໂລກ ປະ​ຈຳສົ​ກ​ປີ​ງົບ​ປະ​ມານ 2017 ເພື່ອຈັດ​ຕັ້ງ​ປະ​ຕິ​ບັດ ໂຄງ​ການ​ສິ່ງແວດລ້ອມ ແລະ ສັງຄົມ (ຄ​ສລ2) ແລະ ມີ​ຈຸດ​ປະ​ສົງ​ນຳ​ໃຊ້​ງົບ​ປະ​ມານ​ສ່ວນ​ໜຶ່ງ ເພື່ອດຳ­ເນີນ​ການ​ປະ­ມູນ​ຈັດ​ຊື້ ເຄື່ອງອຸປະກອນພາກສະໜາມ ແລະເຄື່ອງ ໄອທີ ເພືອປະ​ກອບ​ໃຫ້​ໂຄງ​ການຍ​ອ່ຍ​ປະ​ຈຳຂະແໜງ​ຄຸ້ມ​ຄອງ​ຊັບ​ພະ​ຍາ​ກອນ​ປ່າ​ໄມ້ປະຈຳແຂວງ ຫົວພັນ ແລະ ຫລວງພະບາງ (ພະແນກ​ຊັບ​ພະ​ຍາ​ກອນ​ນ້ຳ ແລະ ສິ່ງ​ແວດ​ລ້ອມແຂວງ) ດ້ວຍ​ການ​ສະເຫ​ນີ​ໃຫ້​ຍື່ນ​ການສົມ​ທຽບ​ລາ​ຄາ.
  2. ກອງ​ທຶນ​ປົກ​ປັກ​ຮັກ​ສາ​ສິ່ງ​ແວດ​ລ້ອມ ຂໍ​ເຊີນ​ບໍ­ລິ­ສັດທີ່ສົນໃຈ ແລະ ມີ​ຄວາມ​ເໝາະ​ສົມ​​ເຂົ້າ​ຍື່ນ​ຊອງ​ສົມ​ທຽບ​ລາ­ຄາ ສຳ­ລັບການສະໜອງ ເຄື່ອງອຸປະກອນພາກສະໜາມ ແລະເຄື່ອງໄອທີ (ໄລ­ຍະ​ເວ­ລາ ໃນ​ການ​ສົ່ງ​ມອບ​ແມ່ນ30 ວັນ​ພາຍ​ຫລັງ​ເຊັນສັນຍາ)
  3. ການ​ປະ­ມູນ​ນີ້ ຈະດຳ­ເນີນຕາມ​ຂັ້ນ​ຕອນ​ການ​ປະ­ມູນ​ສົມ​ທຽບ​ລາ­ຄາ ທີ່​ໄດ້​ກຳ​ນົດ​ໄວ້​ຢູ່​ໃນ​ດຳ­ລັດ​ວ່າ​ດ້ວຍ​ການປະ­ມູນ​ຈັດ​ຊື້ ສິນ­ຄ້າ, ການ​ກໍ່­ສ້າງ ສ້ອມ­ແປງ ແລະ​ການ​ບໍ­ລິ­ການ ດ້ວຍ​ທຶນ​ຂອງ​ລັດ, ສະ­ບັບ​ເລກ​ທີ 03/ນຍ, ລົງ​ວັນ​ທີ 9 ມັງກອນ 2004 ແລະ​ລະ­ບຽບ​ການ­ຈັດ­ຕັ້ງ​ປະ­ຕິບັດດຳລັດ, ສະ­ບັບ​ເລກ​ທີ 063/ກງ, ລົງ​ວັນ​ທີ 12 ມີ­ນາ 2004 ແລະ ລະບຽບ​ການ­ຈັດ­ຕັ້ງ​ປະ­ຕິ­ບັດ​ດຳ­ລັດ, ສະ­ບັບ​ເລກ​ທີ 063/ກງ, ລົງ​ວັນ​ທີ 12 ມີນາ 2004 ແລະ​ສະ­ບັບ​ດັດ­ແກ້​ເລກ​ທີ 0861/ກງ, ລົງ​ວັນ​ທີ 05 ພຶດສະ­ພາ 2009.
  4. ພົວພັນເອົາເອກະສານ ທີ່ ກອງທຶນປົກປັກຮັກສາສິ່ງແວດລ້ອມ. ຊອງ​ສະ­ເຫນີ­ລາ­ຄາ ຈະ​ຕ້ອງ​ສົ່ງ​ກ່ອນ 14 : 00 ໂມງ ສຳລັບເຄື່ອງພາກສະໜາມ ແລະ 15:00 ໂມງ ສຳລັບເຄື່ອງໄອທີ ຂອງວັນທີ 28 ມິຖຸນາ 2017 ທີ່ກອງ​ທຶນ​ປົກ​ປັກ​ຮັກ​ສາສິ່ງ​ແວດ​ລ້ອມ, ຊັ້ນ 2 ຕຶກ 100, ຫ້ອງວ່າ​ການ​ສຳນັກງານນາຍົກລັດຖະມົນຕີ, ນະ​ຄອນ​ຫລວງວຽງ​ຈັນ, ຕູ້ ປ. : 7647, ໂທລະ​ສັບ: 021 252 739 ແຟັກ: 021 252 741. ­ຊອງປະມູນທີ່ສົ່ງຊ້າກ່ອນກໍານົດຈະບໍ່ໄດ້ຮັບເອົາ ແລະ ຈະຖືກສົ່ງຄືນໂດຍບໍ່ມີການເປີດຊອງ. ການເປີດຊອງແມ່ນຈະເປີດໂດຍຊ້ອງຫນ້າຄະນະກໍາມະການຈັດຊື້ ແລະ ຕົວແທນຂອງຜູ້ເຂົ້າຮ່ວມແຂ່ງຂັນທີ່ສົນໃຈເຂົ້າຮ່ວມນໍາ.

ດາວໂຫຼດເອກະສານທີ່ກ່ຽວຂ້ອງ

RFQ-field-Equipment-HP+LPB (080617)

RFQ-IT-Equip-HP+LPB (080617)

X